股市是 …… 追縱資金流向？尋找隱世好股？(回應)

有網友發帖討論 ... 股市是 …… 追縱資金流向？尋找隱世好股？

以下是小弟回應:

個人愚見... 現時雖資訊發達, 去了解資金流向畢竟較困難的, 看LIBOR, 匯率, 商品價格... 我個人有限知識水平, 認為即使能知一二, 亦難看通全局.

另外, 尋找隱世好股, 亦不是易事, 雖然PETER LYNCH講過, 投資者對於一家公司所須的分析資料基本足夠, 但由於現時市場多左很多基礎分析的朋友, 都會不停留意任何有前景而股值偏低的公司.

另外, 去了解一個行業都不會是易事, 所以, 同樣較困難, 加上一些公司上市時間不夠, 很難去全面評估過去業績.另外, 就算PETER LYNCH都會將組合分為6類股票, 穩定型, 增長型, 反轉型, 股值低估型, 所以, 不一定尋找隱世好股先會致富, 更重要一點, 有幾多人能將全身家集中去隱世好股, 真的那麼了解, 如何有那麼大的信心...?

我其實經歷了一年多的時間, 個人喜歡的方法是....
1. 邊學邊投資
2. 以月供買入大路股
3. 等大調及大股災後, 先大手買入大路股, 以足夠SAFETY MARGIN, 爭取回報.

我有一位朋友, 在匯豐區, 都曾提及, 佢由80年代中期開始買HSBC, 至今都只係買HSBC, 無其他股票上的投資, 至於何時買, 就係股災後先買... 如今次1月22日, 全部報紙HEADLINE是股災, 佢便會去買, 佢因買賣不多, 都係打去銀行落盤....買入價 104....., 另外, 早幾日21000點再買HSBC, 買入價 118. 兩次加埋, 買入價 111 ... 佢對後市的看法係, 再跌10%, 又買多一些.... 即係 19000, 再買10000股, 再落18000點, 又10000股....不再跌, 就不買...回升, 就算數...當然, 佢入早發左, 所用的方法可能不同, 但其EQ之高, 非常難得...就是由於有足夠SAFETY MARGIN, 所以, 買得安心...

今次如果次按所引發的CREDIT RISK, 如果真係爆發, 殺傷力可能較現在還過, 我最差的預計, HSI會下試15000點, 即10倍PE左右, 屆時EARNING YIELD為10%, 再買都未遲...