恆生指數用了差不多一年的時間, 就快重回20000點, 依一年, 真係十分精彩, 最低國指去到5000點, 而恆指去到10676點, 我要對自己說, 就係依一種感覺, 當長線基金都沽貨時, 就係無人沽貨.
既然連地獄都經過了, 更加要耐心持有, 細心分析, 自己失算G20的政策, 以為如同之前各項政策, 只係補一補, 無解決到問題, 原來G20哥幾招, 包括MARK TO MODEL, 全球集中力量注資, 加上國內經濟情況的低估, 亦造成了在13000點沽出堅持了兩年多的貨.
雖及後了解相關情況, 開始入市, 亦做得不好, 錯失了一些補貨的機會. 而在選股上, 亦係失一手也.
雖近日買入的3377及1919帶來不錯的盈利, 但另外297, 386, 347及1393, 看來有點失色. 看來要調整一下, 以將組合的回報度加大. 明日很有機會見到恆指升到去18500以上, 真係牛一來嗎? 我心中有幾多問題. 雖我認為熊三已過.
但實際計一計, 當今年HSI的EPS為1300, 即係用番2008年HSI的EPS去計, 20000點已是15PE左右, 亦即係中位數附近. 20000點以上已不宜買入任何貨, 如果買, 就明日補埋最後一注, 亦順優化個人組合. 美金弱, 對內房, 資源有好處, 而國內IPO重啟, 對國內證券商亦有利好作用.
上星期已沽出了297及386, 換入2628, 可能明日會將347及1393沽出, 換入165.
而內銀, 基本上全部都有貨, 今次升幅跑輸大市, 若一日不解除息差及ASSET質素的憂慮, 要大升都不是易事. 自己錯了很多次, 不能完全避免將來不出錯, 只係希望將錯處的影響降低一點.
