投資的真義?

今日見到有網友討論，買貨後是望升或跌？

我記得去年第一次接觸東尼理論，有一句「升市可賺錢，跌市可買貨」。

另外, 市場先生日前亦在網誌提及：「筆者主力的投資方法係buy and hold優秀公司的股票, 大部分的股票都係只買不賣, 以至大部分時間筆者都係100%持股, 0%現金. 100%持股係一種過去式的講法, 因為, 筆者仍然繼續有現金流入, 現金流係一種現在進行式, 甚至係未來式. 筆者的永久組合每年提供的股息收入超過16萬元, 每月定期月供股票15,000蚊, 即係一年18萬元, 加上每月其他儲蓄和花紅, 筆者每年可以投入股市的新資金超過40萬, 即係話, 就算筆者將過去的儲備100%持股長線投資, 每年仍然有超過40萬的新資金可以買平貨, 仍然可以受惠於大跌市和熊市.」

現時, 有感時光倒流, 曾經何時, 很後悔無在二十幾及一百元買入國壽及中移, 及後明知多少一點溢價而買入一點, 當時缺乏了耐性, 估不到此兩間公司因為美國次按的問題, 信貸危機, 高油價而令其股價大倒退, 而盈利亦保持著, 基本業務無改變, 想起來, 較一年前同樣的價位更平宜. 雖買入亦有下跌的風險, 但現時的估值已見理性, 或者已有點不理性, 因為有點平.

國壽, 保費增長加快, 當然, A股影響其投資收益, 以致其EV增長可能受影響. 但股市是非線性的, 可以在半年由合理跌至不合理, 亦可以由不合理升至合理.保險公司亦受惠於跌市, 因為有錢, 可入平貨, 所以, 我找不到理由不跟大型金融機構出手, 或者在巨大膊上學習。DROP MORE, BUY MORE. 至於中移, 預計今年每股賺5-6元, 現價(105元)PE不足20倍, 息率約3%, 收息都好, 兼有增長, 為何又不買之. 但我仍然等緊新增的資金, 如果一到手那日, 恆指處於16000 – 17000, 一次全買進, 都不用分段吸納了。不過, 機會可能不高了。倘處於21000附近, 就分3注買進. 底位都設在17000點，看時間值及企業盈利再細則訂定。

不過, 現在對跌市無什麼感覺, 可能自我陶醉, 或者有點無感覺, 自問對股價的升跌反應與接觸林大師之前有很大的分別, 止賺, 止蝕, 現在已無需要, 因為組合內是有信心的公司, 將來亦會有增長, 我試問個人又有何能力開一間國壽, 開一間中移, 透過資本市場, 我可以做小小小老闆, 希望企業成長所帶來的利潤及現金流. 就算, 牛皮多一季或者一年, 都無問題. 我只係有更多時間收集, 如果個市傻升到32000以上, 那麼, 又可分段增持現金, 又等機會來臨。

股市永遠無理性，只有向上的不理性或向下不理性，自己心中有條線, 有原則, 買入好公司, 持長線, 兩三年後, 另一番天地。