踏入2008年12月, 終於過了個人第一個第一年的熊市, 亦係金融海嘯的第一年, 一年前, 指數由31000點, 變成今日的13000點, 還未包括10月27日最低點的10600點附近.
近日, 很少將個人心得打出來分享, 最主要原因是由於無心得, 現將一年的經過, 主要心路歷程寫個摘要, 等以後不要再犯.
2007年11月 – 記得曾在討論區講過, 會在27000點以上分段出貨, 自己都做過了, 分別沽出386及902, 及後, 見到大市狂升, 一點點的猶豫加貪念, 打算在更高位再出其他股票, 因為每日升1000點, 誘惑太大, 當然, 自己都覺得有點失控, 或者較好的, 自己已無再買貨.
2007年12月 – 聽了林sir的分析, 得到用DOWS, S&P, NASDAQ與外匯計算恆指合理值, 即34000點 – 40000點, 心以為有機會還向上一衝, 亦曾在27000以下加碼, 當第一波反彈上29000點(記得當時390上市, 很受歡迎), 故以為資金換碼, 不知可能已是明修棧道. 當時曾於32元買入3968, 40元左右買入2628, 曾經有利在手, 可能處於一個假設(以為當時是調整), 再加上BUY AND HOLD心態, 故錯失走貨良機. 當時已有更多的BAD NEWS, 如中央修緊資金, 取消止痛車. 但認為是調整, 或者, 曾經在8月17日沽貨後, 狂升, 故此, 很憂心一沽就升了, 其實, 之前經驗往往如是, 2007年1月, 3月, 8月等都係一樣. 當時亦被個別網友取笑.
2008年1月 – 當時出緊美國很多銀行2007Q4業績, 當中亦曾沽到去恆指22000點左右, 出現小奇蹟日, 反彈上25000點, 其實, 事後看回, 如同CRUDE OIL最後處於100元至147元的階段差不多, 故此, 之前小弟估油價不升穿150元, 其實, 或多或少用左依個經驗去引證, 尤其當出埋什麼商品基金, 就應該差不多了. 但樂觀的我, 滿以為明天會更好, 因為美國開始CUT RATE, 打算根據以往9個月可能經濟會見底, 故此, 亦吸納中, 即係一股無沽過.
2008年2月 – 市都係上下為主, 自己將時間看更多投資書籍, 尤其長線為主, 可能亦固步自封了一點, 或者, 估值上真的欠缺MOS, 但當時26000點, 以當時的經濟去看, 並非很高, 自認可以持有. 當然, 個別網友亦提過不能用過去的數據去投射將來, 因為經濟可以大好, 亦可以突然轉差, 估值, 計算就不合用了. 但可能自己選了BUY AND HOLD一套, 記得投資初時, 都會以曹SIR可套, 15% CUT LOSS, 穿250天線沽出, 可能中過招後, 故2007年11月後, 都不太理會其他文章, 可能將樂觀的事看得太大, 悲觀的事盡量縮小.
2008年3月 – 終於50天線穿250天線, 當時, 還是一股都無動, 原因大致如上, 或者認為市場錯價, 有大戶故意將股價壓低, 要收貨, 或者衍生工具作怪, 估值已見平, 無理出貨. (還有當時任總講過幾次, 叫投資者注意風險, 自己又以為佢吹水, 講例牌官話, 李超人出貨等都輕視了, 現在看回, 李超人, 社保, 淡馬錫, 大劉等都是一等一的高手)
2008年4月- 6月, 出現了熊二反彈(第一波), 自己都無放貨, 因假設不信技術分析, 故反覆在幾次上上下下都無沽貨, 反而加碼, 又當曹SIR的30%貨理論不對, 反而以貨為本的精神對抗. 看回來, 以個人力量去抗大潮, 實屬不智. (當時有國際公司管理人員通知本人, 美國經濟真的很差, 但同時又講中國經濟很好, 否則以前者, 已出大部分貨, 故當時曾認為DECOULPING有其影響性與可能性)
2008年9月至10月 – 終於雷曼, AIG出事, 亦去到自己曾估到的16000點, 及後反彈到19500點, 任總叫人把握機會出貨, 自己又無做. (期間, 都係買買買)
當然, 去到12000點, 還再加碼了, 基本上, 牛市所賺來的已全部沒了, 此點亦係個別網友最反對, 保持利潤是十分重要. 但現在, 試過那麼多次的起跌, 心情有點無感覺, 現在驚, 亦無意思了, 除非很有信心, 以戰養戰成功, 但自問很難突破框框, 等於由中線轉入長線後, 較難再突破出來, 但我會嘗試. 故此, 有機會短期見15000點以上, 都會增加10%現金.
今次大跌市, 見證到一些過去的理論不再WORK, 計數更加不能作準, 當然, 有更多的MOS, 會蝕了一點, 或者會較快回本一點.
現在中國經濟已不能置身事外, 當然, 我亦信中國會跑出, 但起碼要幾年回復, 各國的行動可能已見一點效用, 即係最差的經濟大事件已出現, 當然, 失業率仍有待觀察, 尤其中國數據更見重要. 因為此可能係現在世界經濟最後一道防線, 現在方略係, 跌穿11000點會再買貨, 升穿15000點則沽下貨. 長期維持現金水平有30%. 其他70%貨在熊市都幾多, 但自問都有一點持貨能力, 可以守, 希望過多一年後, 雨過天清.
故總結後, 都會以下列為總結:
一. 要認真學習, 認真檢討, 有紀律買貨, 更要有紀律出貨.
二. 買入價決定回報, 終有一日會等到.
三. 要擴闊視野, 不斷以謙虛態度吸收與學習, 總結經驗, 持續優化.
四. 認清真正的錯價, 考證檢討自己計錯價, 或是市場比錯價.
五. 無常勢, 無常道, 審時度勢. 無完美的分析.
No comments:
Post a Comment